Grushta Mes Deputetesh Ne Kuvend

[Poseidoni]

Perplasja PS-PD degjeneron ne sherr fizik. Miratohen ligjet per legalizimet dhe pensionet

Edlira Prenga - Koha Jone

Seanca e djeshme maratone eshte kthyer ne debat deri ne grushta mes opozites dhe pozites. Pas replikave te shkembyera gjate gjithe dites se djeshme mes deputeteve te dy kampeve politike ne kohen e votimit te projektligjeve seanca eshte kthyer ne arene grushtash mes deputetesh. Deputetet e PS-se pretendonin se nuk behej kuorumi i mjaftueshem per te votuar, pasi sipas tyre ne salle ishin vetem 69 deputete. Duke qene se votimi ishte ne elektronike sipas pretendimit te tyre ishte nje nga deputetet e PD-se qe ka futur dy karta per te plotesuar numrin e nevojshem. Kjo ka bere qe Taulant Balla deputet i PS-se te kundershtoje dhe e gjitha kjo me pas ka ndezur sherrin ne Kuvend. Deputeti i PD-se eshte ngritur duke qelluar me grushte Ballen, pasi sipas tij nuk e ka bere nje gje te tille. Eksponente te PS-se pretendojne se PD-ja nuk e kishte numrin e nevojshem per te kaluar projektligjet dhe sipas tyre karta elektronike eshte futur nga Babasi. Nga ana e tyre eksponente te PD-se pretendonin se e kishin numrin e mjaftueshem te votave. Sipas tyre ne salle ishin 72 deputete. Por e gjithe seanca e djeshme pavaresisht pretendimeve te paleve eshte shnderruar ne arene grushtash qe tashme nuk po behet e rralle me ne parlamentin shqiptar. Pas plotesimit te kuorumit te nevojshem per miratimin e ligjeve seanca ka vijuar normalisht edhe pse socialistet e braktisen seancen.

Debati per legalizimin

Pa u bere me pare legalizimi, nuk mund te realizohet urbanizimi i zonave urbane. Nje pergjigje te tille u dha dje gjate seances plenare tere pyetjeve qe vinin nga deputetet e opozites, ministri i Rregullimit te Territorit, Lulzim Basha. Ne debat e siper per projektligjin "Per legalizimin, urbanizimin dhe integrimin e ndertimeve pa leje", ai u sqaroi deputeteve socialiste se nje urbanizmim para legalizimit te zonave informale, do te thoshte deshtim i te dyja reformave se bashku. "Cdo urbanizim para legalizimit, eshte i destinuar te deshtoje. Permes legalizimit do te frenohen te gjitha ndertimet pa leje dhe me pas mund te flasim per nisjen e procesit te urbanizmit", tha ai. Nderkaq, pyetjet e socialisteve mbi ligjin ne fjale kishin te benin me shume me ligjet qe do te respektoheshin gjate venies ne perdorim te ligjit te ri. Por nga ana e tij, ministri i Drejtesise, Aldo Bumci, tha se ky ligj nuk permban dispozita joligjore, pasi vete situata per te cilen flitet dhe perpiqet te zgjidhe ky projektligj eshte e paligjshme. "Nuk bie as ne kundershtim me ligjin e pasurive te paluajtshme", sqaroi ministri Bumci. Nderkaq, duke iu pergjigjur pyetjes se deputeteve te PS-se se mos rrezikohet te paguhet dy here me ane te zbatimit te ketij ligji, ministri Bumci u pergjigj duke thene se "nuk behet fjale per te paguar dy here te njejt`n toke, pasi vetem nje here do t'u paguhet ish-pronareve. Urbanizimi dhe investimet e tjera qe do te behen ne keto zona me pas, jane tjeter gje". Nga ana e tij, ne mbrojtje te ketij projektligji ka dale edhe kryeministri Sali Berisha, i cili u ka bere thirrje deputeteve te Kuvendit ta miratojne kete ligj, ashtu sic votuan edhe ligjin 7501. A do te nderhyje Policia Ndertimore?

A do te nderhyje Policia Ndertimore para miratimit te ligjit? Kjo ishte edhe nje nga pyetjet kryesore qe iu drejtuan ministrit Lulzim Basha gjate diskutimit te projektligjit per legalizimet dhe urbanizimin e zonave informale. "Policia Ndertimore nga ana e saj do te vazhoje te kryeje mandatin qe i eshte caktuar, por do ta beje kete me targetim, duke vene ne shenje vetem shkeljet flagrante te cilat jane ne dem te interesit publik dhe duke vene kufi per ndertimet e paligjshme vetem pas daljes ne fuqi te ligjit. Atehere do te nderhyje, tani do vazhdoje te jete e terhequr per ndertimet banesa deri ne futjen e ligjit dhe do te vazhdoje per prishjen e cdo ndertimi pa leje qe nis nga dita e miratimit te ligjit. Dhe ky eshte qellimi i ligjit ne vetvete, ta nderprese kete bum ndertimesh pa leje. Cdo ndertim do konsiderohet pa leje dhe do ndeshet me konseguencat", tha ne sqarim e siper per kete ceshtje, ministri i Puneve Publike, Transportit dhe Telekomunikacionit, Lulzim Basha.

[Poseidoni]

BOKS PROFESIONIST NE PARLAMENT

Klosi dhe Gjana, dy njerezit e rinj ne "arenen" parlamentare, ku "grushti" i ka zene vendin fjales



Salla kuvendore tashme eshte shnderruar rendom ne nje arene boksi deputetesh. Seanca e djeshme nuk ka mundur te vijoje normalisht me votimin e projekligjeve te radhes, pasi socialistet kane insistuar ne vendimin e tyre te palekundur per te mos lene qe ne krye te Kuvendit te jete Jozefina Topalli. Renia e kerkeses se tyre para dy ditesh per shkarkimin e saj ka sherbyer si argument per opoziten qe te mos lejojne zhvillimin normal te seances. Ne momentin kur duhej te behej votimi per projektligjet dhe marreveshjet e rendit te dites, deputetet e se majtes kane rendur te shkepusin kabllin qe lidh kompjuterat me elektroniken. E gjitha kjo me pas eshte shnderruar ne nje arene debati deri ne grushta mes deputeteve. Marko Bello ishte ulur ne nje nga karriget qeveritare dhe nuk pranonte ta leshonte ate. Kryetari i grupit socialist, Pandeli Majko, kerkonte me force qe Topalli te largohej nga karrigia e saj, pasi opozita nuk e njihte me per kryeparlamentare. Deputeti tjeter i PS-se, Blendi Klosi, nxitoi te shkoje te komjuteri te shkepuse lidhjen elektronike. Pas gjithe ketij mish-mashi parlamentar ku asgje nuk funksiononte, gjithcka ka degjeneruar ne grushta. Ndersa Jozefina Topalli kerkonte qe deputetet te uleshin ne vend, Klosi vijonte replikat me ministrin e kabinetit "Berisha", Jemin Gjanen. Me pas ky debat eshte shnderruar ne zgjatje duarsh, ku Klosi i PS-se nuk ka hezituar te qelloje Gjanen. Ky i fundit u vetembrojt duke reaguar ne te njejten menyre dhe u desh nderhyrja e kolegeve deputete dhe e punonjesve te sigurise se Kuvendit qe "sherri" te mos vijonte me tej. Pas gjithe kesaj zallamahie te krijuar ne Kuvend, kryetarja e saj ka mbyllur seancen duke i deleguar te gjitha vendimet parlamentare per javen e ardhshme. Por duket se nuk ka mbaruar gjithcka ketu. Grushti parlamentar ka vijuar dhe ne korridoret e Kuvendit, ashtu si dy dite me pare. Dy deputete te tjere te PS-se dhe PD-se, edhe pse nuk eshte mundur te filmohen, konfirmohet se jane konfrontuar mes tyre. Paulin Sterkaj dhe Fatos Hoxha kane qene dy deputetet qe pohohet nga deputetet se kane debatuar me njeri-tjetrin, duke kaluar deri ne sulme fizike.

Nisja

E gjithe beteja parlamentare ka nisur dy dite me pare, kur ne Kuvend votohej per kerkesen e PS-se per te shkarkuar Topallin. Menyra e votimit, e cila me pas eshte konsideruar e paligjshme nga opozitaret, ka sherbyer per konfrontime mes deputetesh, duke harruar ne kete menyre se ata jane 140 te zgjedhurit e sovranit. Ndersa para dy ditesh votohej me elektronike per Topallin, opozitaret ishin ngritur ne kembe duke protestuar ndaj vendimmarrjes parlamentare qe sipas tyre po cenonte legjitimitetin e ketij institucioni. I gjithe debati pas votimit gjate te cilit Topalli mori votat e shumices ka vijuar ne korrioret e Parlamentit, ku ishte Blushi i PS-se dhe Rusmali, numri dy i qeverise, qe u zune me njeri-tjetrin. E lene ne mes, kjo lloj seance ka vijuar dje me te njejtin ritem, duke e kthyer Parlamentin pa frike mund te thuhet, ne nje arene "boksi", ku nje pale eshte pritese e tjetra goditese.

Precedentet

Duket se "grushtat" mes deputeteve po i zene vendin fjales. Dy ditet e fundit kane qene me te egrat mes fjalesh dhe zgjatjen e duarve karshi njeri-tjetrit gjate kesaj legjislature. Por nje precedent i tille eshte shenuar dhe pak dite me pare ku deputeti i PD-se, Ndricim Babasi, goditi deputetin e PS-se, Taulant Balla. Vete ky i fundit qe kur ka nisur kjo legjislature eshte "denuar" dy here nga kryeparlamentarja per thyerjen e rregullores. Sherret dhe debatet mes ligjvenesve kane qene te ashpra gjate gjithe jetes se tyre parlamentare, por tashme ato rendom jane shnderruar ne grushta apo goditje me cka kane ne dore

[Wati]

Jam i mendimit qe duhet te miratohet nje ligje qe deputetet te futen ne parlament me revole per tju zhdukur fara atyre se pothuajse te gjithe nje lloje jane :D kshtu do pastronim parlamentin

[Poseidoni]

Ja 12 boksierët e politikës shqiptare. Ç’ka ndodhur në 50 seancat e legjislaturës



Në Shqipëri ka 15 vjet që sporti i boksit është rikthyer ligjërisht. Por më shumë se në ringjet e pallateve të sportit, këtë sport e kemi parë të ushtrohet në sallën e Parlamentit. Në afro 50 seanca të zhvilluar gjatë kësaj legjislature, sytë e gazetarëve kanë parë “live” 6 ndeshje të mrekullueshme boksi mes deputetëve. Ndeshje, të cilat do t’i kishte zili çdo boksier shqiptar, për të mos thënë dhe të huaj.
I pari që e ka hapur kampionatin në këtë lloj sporti parlamentar ka qenë çifti Dedja-Pone. Ndeshja pati kontestime nga ana e mazhorancës, të cilët sugjeruan që sfidanti, Dedja, duhet të kish zgjedhur një kundërshtar me imunitet deputeti. Pasditen e atij dhjetori të ftohtë zëvendësministrit, Ferdinat Pone, sigurisht që do i jetë dukur e hidhur shuplaka e deputetit Taulant Dedja. Për këtë arsye ai vendosi ta çonte çështje deri në gjykatë. Ndërsa Dedja ende i nxehur dy ditë më pas në Elbasan, deklaronte para zgjedhësve të tij, se nëse do e ofendonin përsëri nuk do t’ia kursente Pones dhe faqen tjetër.
Rasti i dytë, ai mes Nard Ndokës dhe Blerim Çelës ndodhi pa shumë zhurmë, pasi askush nuk mendonte se mes deputetëve të mazhorancës lejoheshin sherret. Por ja që ndodhi, madje në mes të sallës së Parlamentit. Deputetët nuk i përdorën grushtet, por vetëm disa stile të mundjes klasike, pasi menjëherë ka ndërhyrë në rolin e arbitrit, Bamir Topi. Rasti i tretë mes dy deputetëve, Ndriçim Babasi të PD-së dhe Taulant Balla të PS-së, është padyshim ndeshja me e bukur e boksit në Parlament. Kjo për faktin se të dy deputetët, ish të dy të rinj, dhe ngjarja u komentua nga më të vjetrit si pagëzimi me grushte për jetën politike të dy të rinjve. Por Balla, i cili shquhet si aktiv në Parlament, këtë radhë ngeli pak mbrapa pasi nuk arriti të kundërpërgjigjej. Ndërsa, Babasi u këshillua nga deputetët e mazhorancës të përsoste pak gjuajtjet gjatë 15 ditëve, përjashtim që mori nga kryetarja Topalli.
Rasti i katërt mes zëvendëskryeministrit, Rusmajli dhe Ben Blushit, u konsumua pa bujë larg syve të publikut. E kanë sfiduar njeri-tjetrin fillimisht me fjalë dhe më pas nuk kanë hezituar të masin dhe forcat. Sekretari politik i PS-së, Blushi, mësohet se veç fjalëve di të përdori shumë mirë dhe këmbët. Rasti i pestë mes socialistit Paulin Sterkaj dhe demokratit Fatos Hoxha, nga deputetët e tjerë komentohet si ndeshja më e ashpër për këtë legjislaturë. Për disa minuta dy deputetë kanë shkëmbyer grushte profesionistësh në korridoret e Parlamentit, pa u shqetësuar nga askush. Ndërsa rasti i fundit i kampionatit të boksit parlamentar është mbyllur në mënyrë të denjë. Fati këtë herë ka vënë përballë një ministër të qeverisë Berisha, Jemin Gjanën dhe një ish-ministër të qeverisë Nano, Blendi Klosi. Edhe pse i zënë me telat e kompjuterëve, Klosi nuk ka përtuar ta godasë ministrin Gjana. Ndërsa ky i fundit duke u kujtuar për postin që mban është mjaftuar vetëm me ofendime.

RREGULLI DHE SJELLJA NË KUVEND

Neni 64
1. Kur deputeti thotë fjalë të pahijshme, pengon me sjelljen e tij zhvillimin e seancës plenare ose cenon rregullin e saj, i tërhiqet vëmendja nga drejtuesi i seancës plenare.
Neni 65
2. Kur deputeti bën thirrje për përdorim dhune, provokon rrëmujë në seancë që pengon zhvillimin e saj të rregullt, fyen ose kërcënon deputetët e tjerë, anëtarët e Këshillit të Ministrave ose përdor fjalë fyese për Presidentin e Republikës apo institucione të tjera shtetërore ndalohet të marrë pjesë në punimet e Kuvendit në seancë plenare dhe në komisione nga 2 deri në 15 ditë.
Neni 66
Në rast se në sallë bëhet rrëmujë dhe nuk merren parasysh kërkesat e drejtuesit të seancës për mbajtjen e rregullit, drejtuesi i seancës lë vendin e tij dhe seanca plenare quhet e ndërprerë. Në rast se përsëri rrëmuja vazhdon, drejtuesi i seancës e pezullon seancën për një periudhë kohe të caktuar ose e mbyll atë. Në rast të mbylljes së seancës, Kuvendi mblidhet me të njëjtin rend dite të nesërmen, nëse nuk është ditë pushimi.

20 Dhjetor 2005 Ndoka-Çela
Grushte nuk shkëmbehen vetëm mes kundërshtarëve politikë, por dhe mes aleatëve, sidomos kur bëhet fjalë për paratë e partisë. Gjatë një seance në Parlament, kur sapo qeveria u kish hequr partive të vogla financimet për fushatën elektorale, deputeti reformator Nard Ndoka dhe hartuesi i ligjit të financimeve deputeti i PD-së, Blerim Çela, janë përfshirë në një sherr mes tyre. Deputetët nuk arritën të qëlloheshin, por vetëm matën forcat në një stil mundjeje klasike.

16 Shkurt 2006 Babasi-Balla
Padyshim që të rinjve u zien gjaku në vena dhe fakti që janë deputetë nuk i ndalon të tregojnë shpirtin sportiv. Sigurisht që fyerjet i përdorin në një zhargon më modern, por grushtet ngelen gjithmonë njëlloj. Deputeti i PD-së, Ndriç Babasi, i kapur mat teksa votonte me dy karta në Parlament, ka menduar të dalë nga situata duke qëlluar mbi atë që thërriste “kapeni mashtruesin”. Babasi i tregoi Ballës se një grusht në fytyrë është shpërblimi për ata që denoncojnë kolegun.

22 Shkurt 2006 Blushi-Rusmajli
Mbahen si dy më intelektualët e forcave politike dhe kanë çuditur të gjithë. Por ja që edhe Ben Blushi dhe Ilir Ruslajli nuk kanë mbajtur dot. Pasi janë sharë mirë e mirë me fjalë, ia kanë nisur betejës me të shtyra dhe me grushtet. Madje, Blushi ka menduar të verë në përdorim dhe këmbët, për ta rrëzuar kundërshtarin. Natyrisht askush nuk ishte fitues dhe askush humbës, por që të dy lanë një shije të keqe për natyrën dhe formatin që kanë.

23 Shkurt 2006 Sterkaj-Hoxha
Ushtarakët sigurisht që janë më të përgatitur fizikisht sesa deputetë e tjerë intelektualë. Ish-oficeri, komandanti i Grupit të Gatshëm, tani deputet i PS-së, Paulin Sterkaj, tashmë është i justifikuar ndaj selisë rozë për ndonjë pëllëmbë që u ka dhënë militantëve në 1996. Dje, Sterkaj ka treguar se fare mirë se mund të bënte pjesë në ringun profesionist të Kombëtares, pas një dyluftimi të denjë me ish-oficerin, Fatos Hoxha.

23 Shkurt 2006 Klosi-Gjana
Kabineti i Qeverisë nuk ka vetëm ministra simpatikë, siç thotë vet Berisha, por edhe shumë energjikë. Këtë e ka vërtetuar dje, ministri i Bujqësisëm Jamin Gjana, i cili nuk hezitoi t’i maste forcat dhe me rioshin e PS-së, Blendi Klosi. Ky i fundit u ndje i shqetësuar nga Gjana, teksa po “kujdesej” për sistemin elektronik të aparaturave të Kuvendit. Në fund sherri u la përgjysmë, pasi Klosi i kushton më shumë vëmendje elektronikës.