Test

[SexyGina]

Dorëshpuar apo...?!

Sa të rëndësishme janë? Shpenzon sa ke në protofol, apo i numëron herë pas here dhe bën llogari me laps dhe letër? Bëj testin dhe zbulo marrëdhëniet e tua me paratë

http://www.revistajeta.com/janar/foto_janar/Test_1.jpg

1. Javën e shkuar ke shpenzuar:
a. Nuk e di me siguri. Nuk bën kurrë llogari
b. Sipas llogarive të tua, ke shpenzuar në mënyrë të kujdesshme
c. Ke shpenzuar pak, sepse u je përmbajtur planeve të tua

2. Sa herë blen veshje?
a. Shumë shpesh dhe përpiqesh ta përmbash pak veten
b. Shpesh, sepse të jep kënaqësi
c. Mjaft shpesh, por bën zgjedhje të matura

3. Shoqja jote ka shumë para:
a. Do të pëlqente të ishe në vendin e saj për të shpenzuar pa kriter
b. E ke zili, nuk ka kurrë probleme për të kaluar muajin
c. Shpreson të kesh edhe ti po aq në të ardhmen

4. Ke ftuar miqtë për darkë:
a. Natyrish paguan ti. Është një kënaqësi
b. E bën paksa shpesh për portofolin tënd
c. Ndani faturën bashkë, është normale

5. Për pushime shpenzove më tepër se sa e kishe parashikuar:
a. Do të kursesh sërish më vonë. Kalove pushime të mrekullueshme
b. Eviton disa shpenzime
c. Duhet të bësh të pamundurën për t’i çuar sërish aty ku i kishe kursimet e tua

6. Një miku yt të ka ca lek borxh prej kohësh:
a. Pret që të t’i kthejë dhe kaq
b. Ia përmend me kujdes. Kështu do të kujtohet
c. Ia kujton shumë shpesh. Ta dijë që ti nuk ke harruar

7. Është ditëlindja e shoqes tënde të ngushtë:
a. I bën një dhuratë që nuk do të mundë ta harrojë kurrë
b. I blen diçka që e di se asaj i pëlqen
c. I blen ndonjë gjë të vogël. Mjafton mendimi

8. Financat e tua po shkojnë shumë keq:
a. Shpenzon më pak
b. Tregohesh më e kujdesshme dhe përpiqesh të organizosh financat e tua
c. Kërkon menjëherë një punë

Më shumë a
E shfrenuar
Edhe pse paratë të rrëshqasin nëpër gishta, aq të bën. Për ty kjo nuk ka rëndësi. Paraja nuk është kryesorja për ty. Përpiqesh t’i bësh qejfin vetes dhe nëse një ditë gjendesh pa para, kjo nuk përbën një dramë. Të shpenzosh është pjesë e karakterit tënd, por di edhe të jetosh në mënyrë modeste. Nuk ka fare problem.

Më shumë b
E arsyeshme
Di të kontrollosh financat e tua dhe shpenzon me llogari, por pa hequr dorë nga kënaqësitë. Në disa raste mund të shpenzosh pa masë, por di edhe të kursesh më vonë. Financiarisht je shumë e stabilizuar dhe e arsyeshme. Raporti yt më paratë është i ekuilibruar.

Më shumë c
Stresuese
Je kursimtare dhe nuk shenzon kurrë më shumë se ç’duhet, për çfarëdolloj arsyeje. Ke një raport paksa të ndërlikuar me paranë dhe përpiqesh të kesh gjithmonë gjithçka nën kontroll. Nuk arrin kurrë të jesh rehat kur bëhet fjalë për para. Më mirë përpiqu të jesh më e qetë dhe t’i shohësh gjërat “pak” më ndryshe.